+0 beyen
آذربایجانین ایکی دیلده شعردئین شاعیرلریندن بیری«تبریزلی قطران»دیر.او1012-جی ایل تبریزین شادآبادکندینده آنادان اولموشدور.شاعیرین تام آدی«ابومنصورقطران جلیلی آذربایجانی»دیر.اوایلک تحصیلینی شادآبادداآلمیش،سونراتبریزده اوخوماغادوام ائتمیشدیر.اوزامان آذربایجاندابیرنئچه فئودال دؤولت قوروموواریدی.بونلاردان بیری پایتختی گنجه اولان،شدادی لردؤولتیدی.شرق اؤلکه لریندن عالیملر،شاعیرلرهابئله صنعتکارلارگنجه یه گئدیردیلر.قطران داتحصیلینی بیتیرندن سونرااورایاگئدیر.اوتئزلیکله گنجه ده شدادی لرسارایینادعوت اولوب،آززاماندابؤیوک نفوذ قازانیر.اوشدادیلرساراییندااولارکن اونلارین حؤکمدارلارینی مدح ائدیب هابئله اوردااوزوئرن حادیثه لرین بیرچوخونوشعره چکیبدیر.اواوزدن دؤورانین دورومونوقطرانین شعرلریندن آلابیله ریک.
1042-جی ایلده،شاعیرآرتیق تبریزده شهرین یاریسینی یئرله یکسان ائتمیش دهشتلی زلزله نین شاهیدی اولموشدو،دئمه لی تبریزه بوفلاکتده اؤنجه قاییتمیشدی.لاکینبیرچوخ تدقیقاتچیلارقطرانین گنجه یه زلزله دن سونراگلدییینی ادعاائدیرلر.
1046-جی ایلده ایرانین بؤیوک عالیم شاعیری ناصرخسروایله گؤروش ائدیب.ناصرخسروآدلیم«سفرنامه»اثرینده قطران آدلی گؤزل بیرشاعیرله گؤروشدویونوقئیدائدیب،یازیر:«تبریزده من قطران آدلی بیرشاعیرله گؤروشدوم.دیوانلارینی منه گتیریب،خوش آوازلااوخویوب،آنلاشیلمایان سؤزلری مندن ایضاح ائتمه یی خواهیش ائتدی!سونرامنیم ایضاح لاریمی قئیده آلیب اؤزشعرلرینی اوخودو.»
قطران بیرمدت ناخچیواندا،حاکیم لرین ساراییندا یاشادیقدان سونرایوردوتبریزه دؤنور.قطران تبریزی،هله ساغلیغیندایکن ایستعدادلی شاعر،مودریک فیلسوف وعالیم کی بیرچوخ اؤلکه لرده شؤهرت قازانیر.اؤزونون یازدیغینا گؤره،اونوخوراساندا وایراق دایاخشی تانیییروسئویردیلر.
اورتاآسیاشاعیری،«رشیدوتوات»عؤموربویوگؤردویوحقیقی شاعیری یالنیزقطران بیلیب.تبریزلی قطران آذربایجان هابئله ایران ادبیاتینادرین ایزلر بوراخیب،گؤزل لطیف اثرلری اولوب.تبریزین گؤرکملی شاعیری 1088-جی ایل تبریزده،سرخاب محله سینده توپراغاتاپشیریلیب.
گؤزللرفرقتینده پیس بوعالمده عذاب اولماز
منیم تک یارفراقینی گؤرنده،خوردوخواب اولماز
گوناهکارلیق نه دیر،خاطیرلامازدی کیمسه عالمده
دئسه ایدین آخیرتده هیجردن بدترعذاب اولماز.