barış manço

+0 beyen

باریش مانچو

معاصیرتورک دونیاسینین،آدلیم وائتگی قویان پئشه کارماهنی چیلارینین بیری،رحمتلیک،باریش مانچودور.اواؤزهنرینی بیرماهنیچی ،یازیچی،شاعیر،بسته کار،شومن و...شکلینده فرانسه،اینگلتره وتورک دیلینده،یاییبدیرو300دن آرتیق رنگ به رنگ اؤدول قازانیبدیر.

بوماهنیچی،صولح ائلچیسی آدیلا،دونیااؤلکه لرینه سفرادیب.بوسفرلرتورکیه دن باشلانیب،آذربایجان،زاپن،آفریقا،اروپا،وحتتاقوطباجاسوروبدور.دئمک اولارکی باریش مانچویوزاللی دن چوخ اؤلکه یه واونلارین شهرلرینه سفرائدیب وکونسرت قوروب.بوبیرسینیلمایان رکورد ساییلیر.بوکنسرت لرده،خالق لارآراسی چالقیچیلاردان فایدالانیبدیر.

باریش ماهنیلارینین چوخونون سؤزونووموسیقی سینی اؤزویازیبدیر.اونون ماهنیلاریندا،یونگول ودیرسیز کلمه لرین یئری یوخدور.اوماهنیلاریندا،کیچییک اوشاقلاریدایاددان چیخارتماییب وچالیشیب اونلارینداگول دوداقلارنا،گولومسه مک گتیرسین.اودورکی ائلیه بیلمیشدی،دونیانین صولح  سئون اینسانلارینین اوره یینده،بؤیوک بیریئرآلسین.

باریش مانچو عایله نین ایکینجی اوغلودور.1943-جوایلده،تورکیه نین اوسکودارشهرینده دونیایاگؤزآچدی.اونون بؤیوک قارداشی،1941-جی ایلده،دونیا ایکینجی موحاریبه اودوندایانیرکن گلمیش،«ساواش»آدی آلمیشدی وباریش دوغولدوغونداموحاریبه بیتمه یه اوزقویموشدو،«باریش»آدینی آلدی.

باریش کیچیک اولدوقدا،گیتارچالماغی،اؤز-اؤزونه اویره نیب،سونراکلاسیک اولاراق،نت لاری ودیگرموسیقی آلت لرینی،آناسیندان کی بیرموسیقی معلیمیدیر،اؤیرندی.

اون آلتی یاشیندا بیرینجی رسمی کنسرتینی1959داقالاتاسارای اوخولونون بؤیوک سالونونداایجراائتدی.1962ایلینده،اوچ ماهنیسی کرامافون صحیفه سی اولاراق بازاراچیخدی.بوترانه لرین بیری«چیت چیت چدنه»آدینداچوخ آلقیشلاندی.1963جوایلده،کلاسیک موسیقی اؤیرنمک اوچون،فرانسه وبلژیک بیلیم یوردوناگیردی وعین حالدااروپاشهرلرینده کنسرت کئچیرتدی.

1967جی ایلده،اینسانین،صنعت وتیجارت فیشارینین آلتیندا،ازیلمه یینی،گؤزل حالدابیرشعروماهنیداگؤستردی.بوماهنی«دویمه لر»آدیندایدی وچوخ گؤزلرده یاش دامجیلارینی،لپه لندیردی.

1970جی ایلده تورک دونیاسینین مشهور ماهنیسی «داغلار-داغلار»ی گرامافون صحیفه شکلینده بازاراوئردی.ایلک هفته ده700مین صفحه ساتیلدی کی بیربؤیوک رکورویدو.بودؤنمده«گول پنبه-خال خال»و«بن بیلیرم»کیمی ماهنیلاریلاحئیرانلارینین داهادااوره یینی تسخیرائتدی.

1978جی ایلده ایکینجی دؤنه اولاراق،لاله خانیمیلا عاییله قوردو.بوبیرلیک اؤلن گونه جه دوام ائتدی.

ایندیسه تورکیه نین باشقاشارقی چیلاری چالیشیرلار،باریشین قیافه سینه گیرسینلر.

نهایتده باریش مانچو 1999نجو ایلین آرالیق آییندا (دی1378)شؤهره تین زیروه سینده اولا-اولاواورتایاشی حالیندا(56یاشیندا)نئچه ایل خسته لیک دن سونرادونیاسین دییشیب وسئونلرین یالنیزبوراخدی.

اونوعزیزلمک اوچون تودکیه نین بؤیوک شهرلرینده هئیکلی تیکیلیب وعکس سرگیلری قورولدوواونون شارقیلاری(ماهنیلاری)اوجمله دن،«داغلار-داغلار»و«گول پنبه سی»دیللرده اوخونور.

نمونه اولاراق اونون «دویمه لر»ماهنی سینی اوخویابیلرسینیز.

دویمه لر(شعر-موسیقی واوخویان:باریش مانچو1967):

خاطیرلادیم،بوگون کیمی

سسیزگئچن سون گئجه نی

باشین اؤنه،ایری،بیرسوچلوکیمی

منه وئردییین هدیه نی

ایکی کیچیک قول دویمه سی

بوتون بیرعاشیق،حیکایه سی

ایکی دویمه،ایکی آیری قولدا

آخشام اولونجا،سوستورورام،هرکسی،هرشئیی

گلیرقول دویمه لریمین،بیرلشمه ساعاتی

اوسول-اوسول،چیخاریب قویارام،یان-یانا

بیتسین بوایشکنجه،قالسینلاربیرآرادا...

هیهات صاباح،گون ایشیلدار

یالنیزگئجه بولوشانلار

یاشلی گؤزلرله،آیریلیرلار...،دویمه لرکیمی،بیزیم کیمی...

بیزیم کیمی..آیریلیرلار...بیزیم کیمی...آیریلیرلار...آیریلیرلار...



  • [ ]