+0 beyen
آذربایجان موسیقی سینین دانیلماز شاه اثری
ساری گلین
آذربایجانین زنگین فرهنگی،موسیقی سی بوتونلوکده خالق فولکلورمیراثی اوقدرگوجلودورکی،گاهدان اوبیری میللتلری ده بومیراثی اؤزلرینه صاحاب چیخماق اوچون وسوسه یه سالیر.بونلارین بیریسی آذربایجانیمیزین اونودولمازخالق اثری،ساری گلین ماهنی سیدی.بوشاه اثری ارمنستانداواؤزلیکده اونلارین فیکیرباشچیلاری ساختاکارلیقلا،اؤزلرینه صاحاب چیخماغاچالیشیرلار.بوآرادادئمک اولاربیزده گوناهسیزساییلمیریق،آتالاردئمیشکن،مالینی خاخشی ساخلا،قونشونی اوغروتوتما!
ساری گلین نه تک آذربایجان موغام موسیقی سینین ان باریزنیشانلاریندان بیری ساییلیربلکه اونون دویغولوایلاهی آهنگی یوخاری سویه ده مسلمان عرفانین اوزه چکیب گؤستریر.
ساری سیمده اوزن شورموغامینداگزن ساری گلین شوبهه سیز موغام موسیقیمیزین آیریلمازبیرپارچاسی ساییلیر.
ساری گلینین تکجه سحرانگیزسسی اؤزگه لری بوشاه اثره تاماح گؤزیله باخماسیناکیفایتدیر.آمماسانکی ساری سیمه،اینجه روحاتوخانماق اولمازوقوی بوتون بشریت بیلسین ساری گلین آذربایجانین دانیلمازخالق ماهنی سیدیر.
ساری گلینین یارانماتاریخینه گؤره نچه فیکیرسؤیلنمیشدیر.ساری گلین قدیم آشیق سبکینده اولان خالق ماهنیسیدی.بوماهنی یئددیلیک قوشمااوستونده قوشولوب،هابئله شورموغام اوسته تکمیلله شیب.بویئددیلیک قوشماایله شورموغامی آذربایجانین موسیقی سینه عاییدیر،بوندان علاوه بوتون موسیقی آلت لرینده (اؤزللیکله تاردا)ساری تئل تام تئللرین گلینی آدلانیر،ساری گلین ماهنی سی بوتئلده چالدیغیناگؤره داهاچوخ بوآدااویغون گلیر.
داهابیرفیکیرساری گلینین یارانماسین شاه ایسماعیل خطائی یه نیسبت وئریر.بئله نقل اولوب شاه ایسمائیل قیزل باشلارین پایتختی تبریزده اولارکن بیرگؤزل رقاصه قیزی ساراینداگؤرن کیمی بوسؤزلری دیله کتیریرویاخوددئییرلرساری گلین شاه ایسماعیلین سئوگیلیسی ایدی.ساری گلینین یارانماسیناگؤره داهابیرصوحبت ده قالیر.اودابوندان عیبارتدیر:ساری گلین ماهنیسی 1915-جی میلادی ایلده ارزروم ساریشن قیزاعاشیق اولان بیر تورک عسگرین نیسگیللی سؤزلریندن یارانیب.قیزین ننه سی بو وصلته مانع ایدی.سونرالاربوعسگرساواش مئیدانینداشهیداولارکن یولداشلاری اونون دیلیجه ساری گلین اوخویاراق دیللره سالیرلار.
هرحالداساری گلین بیرخالق اثری اولا،سونرالاراونوشاه ایسماعیل یاتورک عسگری یارادااساس بودور،بونلارین هامیسی قدیم آذربایجان تورپاغیندایارانیب.هابئله یئددیلیک قوشمااوستونده اوخونوب یازیلماسی داان اساس موضوعدور.
ساری گلینین تاریخ،مکان وسؤزونده علاوه موسیقی آلتلرینده ده آذربایجان خالقینا عاییداولماسی ایثبات اولونوب.ساری گلین ماهنیسی تاردان علاوه کی ساری سیملراؤزرینده چالینیر،اونومشایعت ائدن ان اساس موسیقی آلتی «بالابان»داشوبهه سیزآذربایجانین غنی موسیقیسینه عاییدیربونودونیانین باشقابؤیوک موسیقی خادیملری اوجمله دن فارس موسیقی سینین بؤیوک خادیمی روح ا...خالقی ده تصدیق ادیب وبالابانی اصیل آذربایجان موسیقی آلتی آدلاندیریب.«بالابان»ین آدی بئله بونوگؤستریر(بالا=خیردا،بان=سس).
سونونداساری گلین ماهنیسینابیرداهانظرسالیب،گؤرک آذربایجانیمیزین قدیم عادت عنعنه سین نئجه دیله گتیریب ودانیشیر.بوماهنیداهربیربندین اؤزونه گؤره اؤزل بیرمعناسی وار.بوسبب اوزوندن ماهنی ائشیده نی درین دوشونجه یه مجبورائدیر.
((ساری گلین))
ساچین اوجون هؤرمزلر
گولوسولودرمزلر
ساری گلین
بوسئودانه سئودادیر؟
سنی منه وئرمزلر
نئلییم آمان آمان
ساری گلین
بودره نین اوزونو
چوبان قایتارقوزونو
نه اولابیرگون گؤریدیم
نازلی یاریمین اوزونو
نئلییم آمان،آمان
ساری گلین
عاشیق ائللرآیریسی
شاناتئللرآیریسی
بیرگونونه دؤزمزدیم
اولدوم ائللرآیریسی
نئیلییم آمان،آمان
ساری گلین.