گؤی تپه اورمیه نین اسكی تپه سی

+0 beyen

اورمیه آذربایجانین اسكی وتاریخی شهرلریندن ساییلیر.بوشهرین قیراغیندا یئرلشن چوخلوتاریخی آبیده واسكی تپه لر(آلتی مین ایللیك)بوسؤزوثبوت ادیر. گؤی تپه اورمیه نین قوزئی دوغوسونون 6كیلومئترلیینده یئرلشیر.

گؤیتپه اورمونون اسكی تپه لرینین ان آدلیملاریندان اولاراق زنگین ایزلرله دولودور وآذربایجانین فخر ائدیجی تاریخی نین گؤسته ریجی لریندندیر.1948-جی میلادی ایلینین قازینتیلاریندان اؤنجه اینگیلیسلی لربواسكی بؤلگه ده 1313-جو گونش ایلینده بیرلؤوحه اوستونده نهخیشلی قیلقمیش شكیل اله گتیردیلر.بوبؤاگه دن اسكی تانریلارلااولان استوانه لرده تاپیلیبدیر.

قازینتیلاراباشچلیق ائدن اینگیلیسلی«بورتون براون»اؤزآراشدیرمالارینی«آذربایجان قازینتیلاری» عنوانیله1948و1951-ده لندنده یاینلامیش واویازیداآذربایجان وگؤی تپه تمددونون بئله ایضاح ائدیبدیر:

«گؤی تپه نین یئددی قاتی(طبقه سی)واردیر،بوقاتلارین ان اسكیسی میلاددان اؤنجه4-جومین ایللییه(6 مین ایل بوندان اؤنجه یه)قاییدیر.بوقاتداچین-چین ائولر،قیرمیزی ساخسی قطعه لروناخیشسیزبوزساخسیلار، آچیق ساری بویاداساده هندسه خطلرله -قهوه رنگینده-میس وداشدان اولان آراجلارواردیر.

آلتینجی قاتكمیلاددان اؤنجه اوچونجومین ایللیكدن،میلاددان اؤنجه بیرینجی مین ایللییه دكقاییدیر.داشلی خیملی (فندانسیون)وپالچیقدان اولان آبیده لر،كوره ده بیشمیش وایكی بویالی وناخیشلی ساخسیلارقهوه رنگلی وقیرمیزی-قارا بویالی مركب هندسه ناخیشلارلا-قطعه لربوقاتداندیر.بوقاتدامیسدن اولان آراجلاربوللوجاگؤرونور.بوتمددون داش دئورینه ودوغوآنادولونون میسی نه وآرازین قوزئیینده كی آذربایجانلاان چوخ باغلیلیغی واردیر.

بئشینجی قات:بوقاتین ساخسیلاری بوز،گاهدان قاراوعمومن سورتولموش دورلر.بورادان قاباریق(برجسته)ناخیشلارلا اولان ساخسی تاپیلیبدیر،بوساخسی آنادولووآرازین قوزئیینده كی آذربایجان تمدونلارینابنزری چوخدور.

دؤردونجوقات:قارابویاداوسورتولموش وناخیشسیزاولان ساخسیلار واردیر.

اوچونجوقات:بورادابیرینجی اینسانلارین قبیرلری وآذربایجانلی لارین آتا-بابالارینین جومجومه لری واردیر،بوقبیرلردن تاپیلان ساخسیدان اولان قطعه لرقیرمیزی بویاداوبعضی لری ایسه الوانسیزناخیشلاری وبئشینجی قاتین ساخسیلارینااوخشاری واردیر.

ایكینجی قات:میلاددان اؤنجه 1200و1500ایللرینه قاییدیر،سورتولموش(صیقلی)قاراوبوزبویاداناخیشسیزساخسیلارلا دولودور.بونلارآنادولونون هیتیت ساخسیلارینااوخشاییر.

بیرینجی قات:بوقاتداقیرمیزی وبوزبویالارینداسورتولموش ساخسیدان اولان قاب-قاجاقلارواردیر.بونلارین اوستونده حئیوانلاردسته لرینده شكیللرچكیلیبدیر.بوقاب-قاجاقلارحسنلی تپه سینده تاپیلان قاب-قاجاقلارابنزه ییرلر.گؤی تپه نین اوستونده یونولموش داشلارداواردیر.بویونولمو داشلاردا،حئیوان ناخیشلاری(اؤرنك اوچون قوچ وقافلان)واردیر.بونلاردوغوشدان قاباق ایكینجی مین ایللییین سونلاریناوبیرینجی مین ایللییینایلك لریندندیرلر.بوداشلارآنادولونون اسكی لی یونولموش هیتیت داشلارینابنزری چوخدور.



  • [ 1 ]